RKUVC carneval, ziekebezeuk, Auw Wieverbal carneval in Zorghoes Ulestaete 2025
Nog ein paar daag tot aan carneval.
Vriedig 21-02-2025: Vandaag höbbe vr, mèt ein kleine delegatie, sjwalprins Lino I van de Catharina sjwal verras mèt ein bezeukske. Heer is donderdig de 20ste oetgerope tot sjwalprins same mèt klasgenoot Zoë es sjwalprinses.
Daonao zin vr op oetnwèddiging van RKUVC mèt ut Prinsepaar, de jeugprins, adjudante, os raodslede, de dames en auch wir versjillende plus Rv11 lede nao de tent op ut sportpark gegange. CV de Kakpepers oet Nazareth waor auch dao mèt hunne hoeglustigheid prins John II en prinses Sally. Alom bekind binne de UVC femilie. Veur os waor dit de enige kans elkaar te ontmoete dit seizoen. Dus maakte vr gebruuk dr van elkaar te decorere. Op dizze aovend weurt natuurlijk auch de UVC prins(es) oetgeroope…… Dit jaor is dat prins Marius I. Van harte proficiat.
Zaoterdig 22 febrewari: Ozze ièrste daag van ut zieke- en auwere bezeuk. Good veurbereid ginge vr mèt 3 groepe op weeg. De zaoterdig altied de adresse boete Ulesjtraote. Wat waore de luu wir good gezind es veer hun dat bitteke Ulesjtraotse carneval kaome bringe. En natuurlijk achterlaotend de Kuutebieter en ein flèsj appelsap.
Ut Auw wieverbal: In de aovend waor ut Auw wieverbal. Femilie, vrung, bekinde, de dames van de CV en andere leefhöbbers waore aanwezig mèt leuke, gekke en originele creaties. Auch de neet verkleijde luu die dao waore heije genote. Walk-Inn bedank veur de prieskes.
Zondig 23 febrewari: Ozze 2de daag zieke- en auwere bezeuk. Vandaag in ut dörp. Veur ut ièrs dege veer auch ut verzörgingshoes Ulestaete aan, wha vr op oetnwèddiging van Envida van 14-16 oer mèt de bewoners en andere auwere oet Ulesjtraote carneval gevierd höbbe. Es verrassing woort bewoonster Loes door vors Danny oetgerope tot dagprinses van Ulestaete. Dit is zeker veur herhaling vatbaar. Envida, bewoners, personeel en vriewilligers hartelik dank veur dees 2 super leuke urkes carneval in Ulestaete. Wir väöl gedoon, verbonge en plezeer gehad. Op nao de carnevalsdaag in Ulesjtraote.
Kommende week goon vr nao:
Woonsdig 26 febrewari: aanmere Blauw Sjuut en ut Prinsentrèffe van gemeinte Meersje in de Stip
Donderdig 27 febrewari: op oetnwèddiging van Brand Beer nao de Blauw Sjuut bie ut preuflokaal van Brand Beer in Wielder
Vriedig 28 febrewari: vanaaf 10:00 oer nao de Sjwalcarneval van bs de Triangel wha dit jaor wir eine kleine optoch mèt alle sjwalkinger zal zeen. Es Kuutebieters zin veer hiejbie oetgenwèddigd. Sjmiddigs zal de Sjwalcarneval mèt de groepe 4-8 in dn Huppel wiejer goon. Dat doert tot 14:30. Daonao is eederein welkom. Veer zulle auch nog nao de Notenbalk en Walk-Inn goon. Tussjedoor bringe vr mèt ein kleine delegatie nog ein bezeukske aan zörgboerderie Genzon.
En vanaaf 1 maart zin ver vertrokke veur de bekinde carnevalsactiviteite in Ulesjtraote. Veer hope uch bie väöl activiteite te zeen, want daoveur organisere veer es Kuutebieters de carneval in Ulesjtraote.
CV de Kuutebieters
Prins Danny II en prinses Anouk
Jeugprins Tygo II en adjudante Bram en Quinn
Carneval mèt os alle!
