GRANDIOOS
Dat waor de carneval in Ulesjtraote, ut waor carneval mèt os alle!
Wat zin veer dankbaar, dat geer mèt väöle bie os activiteite dr bie waort.
GRANDIOOS waor ut waer, dat haet dees daag biegedrage tot dizze sjieke carneval in Ulesjtraote.
GRANDIOOS waor de grwatte optoch. Dae waor op zondig 2 maart. Wha Fanfare Concordia same mèt os prins Danny II, prinses Anouk, jeugprins Tygo II en adjudante Bram en Quinn bie ut prinsepaar toes ginge ophole.
Mèt eine sjtrak blauwe hemel, wellich geopend door os Kuutebieters die dao bove mèt os mèt wilde geniete, ginge vr nao de Gezonweeg. Toen begos ut ech. Same mèt de hwaghede wir trök ut dörp in en veurdat vr ginge viere eve mèt zn alle bezinne. Nao sjwan, rech oet ut hart gesjproke wäörd van vors Danny ff sjtil gesjtange bie de luu die os ontvalle zeen.
Tied veur de grwatte optoch. En wat veur eine. Ein grwat compliment aan alle deilnummersj van Ulesjtraote en dao boete. Wat heij eederein zien bès gedoon um zwa sjiek meugelik dizze optoch te laupe. En dao is Ulesjtraote toch altied good in. Nao de optoch waor ut nog ff fjèste os alle op ut Dörpsplein. Daonao bleef ut nog lang gezellig in alle kroege.
De oetsjlaag van de Grwatte Optoch kint gr via dizze weblink vinge:
https://www.kuutebieters.nl/seizoen-2024-2025/oetsjlaag-grwatte-optoch-ulesjtraote-zondig-2-maart-2025/
Maondig 3 maart, wir prachtig waer. Mèt de Kuutebieters zeen vr gesjtart bie de Notenbalk wha zie veur de aanwezige luu sjpèk en ei, koffie en thee verzörg heije. Boete os kaome dao auch andere carnevalsgroepe bie-ein, die nao de optoch in Meersje ginge. Leo bedank.
De deilname van de Ulesjtraotse wages en groepe in de optoch van Meersje waor GRANDIOOS. Op 3 plaatse in de optoch haet os prinsepaar en ut jeugtrio mèt die groepe gezellig mètgedoon, sjiek um te zeen wie zie, maar auch de groepe en luu langs de kant dao van genote höbbe. Van die luu langs de kant höbbe vr väöle complimente moge ontvange wie sjiek zie de Ulesjtraotse wages en groepe vonge. Dao gebäörde get en dat maakte ut extra leuk. Op de mèrt höbbe vr es Kuutebieters verbonge mèt de groepe van Ulesjtraote en Meersje, wat ein gezelligheid.
Rond 19:00 ginge vr mèt zn alle trök nao Ulesjtraote. Um dao dizze sjwanne daag aaf te sjleete in de Walk-Inn. Café carneval op zien best. Wha ièrs nog sjteetiesje in de kroeg sjtinge, ginge die al gauw de zaal in. En ontsjting eine geweldige sfeer, dat nog lang voortdoerde.
Dinsdig 4 maart: de lèste daag en wat eine. Wir volop zon. Al vreug begoste de veurbereidinge, mèt ut opbloze van honderde ballonne veur ut Kuutoplaote. En auch ut aankleije van de zaal van de Notenbalk veur os aafsjletingsthema.
14:11 sjtarte de Kingeroptoch. Boete de deilnummersj van ozze grwatte optoch waore nog andere deilnummersj, die allein veur de Kingeroptoch get gemaak heije.
Auch dae Kingeroptoch waor GRANDIOOS. Aan alle kinger die get gemaak heije en metgelaupe höbbe eine grwatte pluim. En blief de kommende jaore mètdoon. Wat höbbe jeugprins Tygo II en adjudante Bram en Quinn van uch genote.
De oetsjlaag van de Kingeroptoch kint gr zeen via dizze weblink:
https://www.kuutebieters.nl/seizoen-2024-2025/oetsjlaag-kingeroptoch-dinsdig-4-maart-2025/
Wae Kingeroptoch zaet, zaet de jeugprinsewage. En wae jeugprinsewage zaet, zaet Louis Brassé. Dae woort veur ut Kuutoplaote door vors Danny letterlik en figuurlik in ut zunneke gezat. Auch heer ontving de Kuutebieters orde van verdeenste medaille. Dik en dik verdiend es ste al meer dan 3×11 jaor mèt zwaväöl plezeer de jeugprinsewage rieds.
De ballonne woorte aan de kinger oetgedeild, de kuut mèt de rwad-geel-greun trosse ballonne kaome ut Dörpsplein op, mèt eine sjtrak blauwe hemel ging de kuut in de heng van os heersers 2025. Same mèt vors Danny telde de luu aaf van 11 nao 0. Wie sjwan rech umhwag ging de Kuut! Blief ein prachtig moment.
Ut leefste bleve vr op ut plein mèt de kinger en auwersj fjèste, mhè DJ Dave waor binne en dao waor de sjpringmiddig veur de kinger. En dao deeg jeugprins Tygo II, ondersjteund door zien adjudante Bram en Quinn zien woord aan de kinger en de jeug in de zaal. Dit waor de aafsjleting van de jeugcarneval in Ulesjtraote. Mhè wie dat al jaore geit is bie de grwatte aafsjleting auch de jeug aanwezig.
En wat waor die aafsjleting in de Notenbalk GRANDIOOS.
Mèt ut thema van de Kuutebieters “Ut magische bosj” mèt prins Danny de keuning van zien bosjmennekes en prinses Anouk es de keuningin van häör bosjfeeë en jeugkeuning Tygo euver zien kingerbosjwezens. Mèt ein leechshow van Rico en de mysterieuze en sjprookjesachtige intro meziek kaom op ins ein tempoversjnèlling en dat waor ut moment dat de sjlak mèt ut keuningspaar van ut magische bosj de zaal rondtrok. Wat sjiek mèt de lèmpkes op de pèkskes en sjtèkke. En ut samesjpel mèt ut leech. Wat waor dees binnenkoms GRANDIOOS. Auch doordat geer es carnevalsvierders dr bie waort. Dit doon veer neet allein veur ut prinsepaar en de jeug, mhè veur os alle. Tege middernach dege vr nog ins dees show opveure. Nao inkele rundjes naome de vrung en femilie van ut prinsepaar ut euver en ginge zie door de zaal. Wat ein prachtig gezich. Nao de fotomomente waor ut woord aan prins Danny II en prinses Anouk um de carnavalsvierders van Ulesjtraote toe te sjpreke. En dat deeg heer op zien bekinde meneer, mèt väöl enthousiasme en oet zien hart. Nao zien wäörd haet DJ Funk A Rico dr nog ein fjèske van gemaak, dr woort nog volop gehak, gehos en gesjpronge.
De carneval mèt os alle in Ulesjtraote waor vanaaf de Carnevalseupening en ULK GRANDIOOS.
Dank aan alle luu die bie os activiteite dr bie waore.
Dank aan alle vriewilligers die verbonge zeen aan de Kuutebieters en mèt os alle de sjouwers dr onder zètte.
Dank aan de kasteleins en hun personeel die de samenwerking mèt os höbbe bie os activiteite.
Dank aan os sjponsore, donateurs en de inwoners veur de financiële ondersteuning aan de carneval in Ulesjtraote.
Dank aan ut prinsepaar, jeugprins en adjudante en hun femilie en vrung die dit fjèske extra biezonder veur hun höbbe gemaak.
Dank aan de Plus Rv11 lede en dames die os op versjillende activiteite ondersjteund höbbe. Wat höbbe veer van uch aanwezigheid genote.
Sjpeciaal dank aan de dames van de Kuutebieters. Anders dan gewoonlik zeen zie nog meer betrokke bie os activiteite en waore zie al in de zomer 2024 begos met ideeë oetwerke en make van os kleijer veur versjillende activiteite.
Dank auch aan de CV lede veur uche inzat en energie dit jaor.
Carneval mèt os alle! Dat waor ut dit seizoen zeker. Dank veur alles. Dit geuf energie veur ut carnevalsseizoen 2026.
CV de Kuutebieters
Prins Danny II en prinses Anouk
Jeugprins Tygo II en adjudante Bram en Quinn
