De carnevalsmarathon van de Kuutebieters en de carnaval in Ulesjtraote 2025 waor begos.
Wha vr al jaore neet mjèr sjpreke van die 3 carnevalsdaag, want dat zin dr al 5 gewore,
heije veer 7 daag activiteite achterein op os programma.
Woonsdig 26-02 de ontvangst van de bemanning van de Blauw Sjuut.
Nao de goodkäörende inspectie en ut toesjpreke van de Burgemeister waor ut tied veur de oetwissel van al ut eremetaal.
Daonao kos ut Prinsentrèffe van gemeinte Meersje sjtarte. Dit jaor laog de presentatie in heng van ozze vors Danny.
De hwaghede oet Meersje ontvinge tösje versjillende optrejes van lokale artieste hun gemeinte medaille. Ut bleef nog lang gezellig.
Donderdig 27-02 op oetnwèddiging van Brand Beer ginge vr nao Wielder wha veer mèt 3 andere vereiniginge de Blauw Sjuut ontvinge.
Ein zeer gezellige happening wha veer de Kuutebieters van hunne gooje en gezellige kant höbbe laote zeen.
Vriedig 28-02 de daag veur de sjwalkinger bie de Sjwalcarneval van bs de Triangel.
Veur ut ièrs ginge vr in kostuum en dat leverde geliek gooj reacties op. Kingerkes keke op nao prins, jeugprins en prinses.
In de ochtend waor ut hosse sjpringe en danse mèt de groepjes 1, 2 en 3. Auch waor ein optochje trök en auch dat woort hjèl leuk gevonge.
Nao eine lunch ginge vr mèt de groepe 4 t/m 8 door nao dn Huppel. Wat höbbe vr genote van de optreejes,
polonaises en ut hakke. Leerkrachte, oudervereiniging en de werkgroep bedank veur dizze daag.
Aansjletend brachte veer mèt ein klein delegatie ein kort bezeukske aan zorgboerderie Genzon. Wat waore ze dao blie mèt.
Zie heije veur ut prinsepaar en ozze jeugprins ein sjwan cadeau gemaak. Vr heije dao same get gedronke en ein sjtök cake gegete. Veur herhaling vatbaar!
Zaoterdig 01-03. Zwa wie dat bie väöle geit de lètste hand lègke aan de optoch creaties.
En opmake veur de sjtart van de carnevalsdaag in Ulesjtraote. Mèt wir ein geweldige carnevalsviering.
Wha de klanke van de Kuutekapel en de dialek tekste van Jo en Marjo van Es de show sjtole. Wat waor dat wir ein sjwan samesjpel.
Jo en Marjo van Es ontvinge de Kuutebieters orde van verdeenste medaille veur hun jaorelange inzet en organisatie. Dik verdeend.
Aansjletend de Sjleuteleuverdrach. Ut belangreikste moment. Zonder dit gein mach aan de prins.
Veurop gesjtild ein grwat dankjewel aan de leefhöbbers en carnevalsvierders in de zaal, wat waort gr dr mèt väöle.
En wat waor ut ein prachtige Sjleuteleuverdrach! Nao ut welkomswoord door vors Danny moch wethouder Molling zien
veurdrach doon um oeteindelik dae sjleutel aan prins Danny II, prinses Anouk en jeugprins Tygo II te geve. En dat deeg heer mhèr al te gaere.
Björn dank veur dien veurdrach en de lach die dat opleverde bie de aanwezige.
Auch ozze Burgemeister waor dao, um ein sjpeciaal rede. Um ut ere van Gilbert Petit. Dae op aan vraog van de Kuutebieters,
fanfare Concordia, Buutefestival, UK98 en RKUVC de hwagste ondersjeijing van gemeinte Meersje ontving. De Marsna Erepenning. Volkome verdeend.
Vr bleve luu ere. Ut waor de beurt aan prins Danny II. Dae moch aan eine persoon ut Kuutebieters orde van verdeenste speldje oetreike.
Dat waor veur Bart Cobben es gooje vrund, sjtraotgenoot mhèr veural veur wat Bart allemaol veur de carneval in Ulesjtraote deit.
Lid van de Kuutekapel, ondersjteunend wha heer dat kin veur boewplaats en sjtalle van wages. En chauffeur van de prinsewage. Auch dit super verdeend.
Nao al dat ere waor ut tied veur wir get humor en ut opzeuke van de rendjes: “Dit waor ut nuuts”. Dat waor ut thema wha de kolder aan woort opgehange.
Door auwt prinse Frank en auwt prins Luc mèt side kick Ralph van Hooren woorte auwt jeugprins Björn Hendriks
en auwt prinses Lilian aan taofel dr bie gevraog en kos de show beginne. Gelache en lol gehad.
Dit zult gr zelf motte mètmake, dus kom ein ander jaor nao dae Sjleuteleuverdrach. Auch hiej waor de muzikale umliesting verzörg door de Kuutekapel.
(Foto’s volge nog)
Grwatte trots höbbe vr umdat vr wederom väöle sjwan complimente höbbe maoge ontvange veur dees vastelaovesviering en Sjleuteleuverdrach.
Mèt de sjleutel in bezit begos ut carnevalle mèt os alle!
CV de Kuutebieters
Prins Danny II en prinses Anouk
Jeugprins Tygo II en adjudante Bram en Quinn
Carneval mèt os alle!
