CV de Kuutebieters
organiseert veur alle kinger:
Dinsdig 4 maart 2025
de Kingeroptoch Ulesjtraote.
Höbste ein leuk idee um dich extra te verkleije, ein kèrke te boewe mèt pap en/of mam of vrung, löpste allein of mèt eine groep. Geiste mèt eine grwatte wage mèt alles is meugelik. De bès nwats te jonk of te auwt um aan de Kingeroptoch mèt te doon. Maak d’r get leuks van en veer zeen dich dinsdig 4 maart rond 14.00 oer op ut Dörpsplein in Ulesjtraote.
Mètdoon is gratis, de hoofs allein mhèr sjpas en plezeer mèt te numme en de res kump dan vanzelf.
Veur de leukste, sjiekste, grappigste, schwanste verkleijde, oetbeelding van ein thema, kèrke, groep of wage zeen d’r auch gèt prieskes. Dus wilste dao kans op make doog dan dien bès. Mhè mètdoon is belangrieker dan winne!
Nao de optoch is aansjleetend ut traditionele KUUTOPLAOTE. Wha eeder kind eine helliumballon krieg en wha de grwatte prins, -prinses en de jeugprins ein KUUT mèt hjèl väöl balonne aan de loch in laote goon. Altied wir ein biezonder momint. En ut symbool veur ut inluuje van ut einde van de carnevalsdaag.
Aansjleetend aan ut Kuutoplaote goon veer same de zaal bie d’n Huppel in um mèt alle kinger en auwersj en andere carnevalsvierders lekker carneval te viere. Dan zal auch de priesoetreiking zeen. Dus kom veural mèt nao d’n Huppel. Eine sjlokkraom is aanwezig mèt genoog lekkersj veur de kinger.
CV de Kuutebieters
Jeugprins Tygo II en adjudante Bram en Quinn
Prins Danny II en prinses Anouk