Zaoterdig 25-01-2025
RECEPTIE……
jao mèt hooflètters……. Herinneringe zin gemaak door ut euverbringe van uch felicitaties, de sjieke cadeaus en foto’s van de photobooth. En Miriam haet dizze aovend veur os hwaghede op foto vasgelach. Dank daoveur. Eine aovend um neet te vergete.
Particulere, carnevalsvierders, de Ulesjtraotse carnevalsgroepe en vereiniginge, carnevalsvereiniginge oet eige gemeinte en dao boete, sjponsore, klasgenote van de jeug, Auwt (jeug) prinse en -prinsesse, femilie, vrung en collega’s van os heersers en jubilarisse. Dr leek gein eind aan te komme…
Sjpeciaal veur jeugprins Tygo II en zien adjudante kaome de Geulmennekes oet Meersje, klasgenote en hun voetbalteam JO11 van RKUVC felicitere. Wat eine aandach ging auch oet nao hun!
Mhè ut klapsjtök kaom van de vrung van ut prinsepaar. Wis geer dat? Vr weite wir get meer insite informatie van prins Danny II en prinses Anouk. Mhè dr is nog meer, wae wèt krieg ‘Wis geer dat?” ein vervolg……
Veer bedanke alle luu die dao waore, de Notenbalk en personeel veur de gooj verzörging dae aovend, Rico dae dr wir ein feeske van maakte, Roel Lacroix veur de presentatie, Auwt jeugprinses Tess en adjudante Eva en Zina en Auwt jeugprins Tycho veur ut ontvange van os gaste en ut in gooj bane leide bie de photobooth.
Foto’s van dizze aovend volge nog.
Zondig 26-01-2025
Um aafgelaope wiekend aaf te sjleete zin vr mèt prinsepaar, jeugprins, adjudante en de Rv11 nao ut prinsoetrope van de Aanhawwersj in Meersje gewaes. Drwèg waer, waal get koud, mhè good gezelsjap, dus alle ingrediënte um de nuuje prins bekind te make.
Prins Jerôme en prinses Anne names CV de Kuutebieters gefeliciteerd en veer zeen uch op uch receptie 9 febrewari.
Veer goon komend wiekend nao:
31-01 Buutefestival fanfare Concordia in dn Huppel
02-02 LVK matinee de Spaarbalk in de Notenbalk
CV de Kuutebieters
Prins Danny II en prinses Anouk
Jeugprins Tygo II en adjudante Bram en Quinn