CV de Kuutebieters op bezeuk bie, deil 3:
5 daag achterein sjtinge de volgende activiteite op ozze agenda.
Donderdig 13 febrewari: Vrouluuj Zitting Sevagram Heerle
Veer begoste op donderdigaovend bie de vrouluuj Zitting van Sevagram.
Prinses Anouk waor door häöre werkgever oetgenwèddigd.
Veer höbbe os ein paar urkes vermaak met 300 vrouwelikke collega’s van Anouk, Beppie en John Tana die vr nog höbbe zeen optreeje.
Vriedig 14 febrewari: Ut ièrste Prinsetrèffe Ulesjtraote in de Walk-Inn
Wha sommige de romantiek opzochte of de LVK finale bekeke, ginge veer nao ut ièrste Prinsetrèffe in Ulesjtraote.
Veer wiste neet wat vr koste verwachte. Jao dao höbbe zich prinse en prinsesse getroffe. Auch hiej höbbe vr os wir geamuseerd.
Zaoterdig 15 febrewari: Os eige 55+Zitting
De 55+ zitting, ut waor geliek gezellig druk en dr hing eine geweldige sfeer.
Naodat de vlaai en koffie gesjmaak heij, ginge vr van sjtart mèt de nummersj 4 t/m 1 van de Kingerzitting.
Aan alle kinger nog ins ein hartelik dankjewel veur die optreejes.
Aansjleetend höbbe vr gelache mèt Ger Frenken in de buut mèt de Sjottekeunigin en veur de lètste kjèr live mètgezonge mèt de leedjes van de Geliënde oet Hölsberg.
Daonao waore os dörpsartieste aan de beurt. De nummersj 3 t/m 1 van ‘t ULK 2024, CV dn Import, Max & Remco en CV de Struukedukers mèt hunne sjlager “Drink n pilske mèt os!”
Es aafsjleter van dees 55+ zitting kaom Oet ut Niks. Zie höbbe maar leefs 45-60min. gezonge en krege de luu van de sjtuul.
Tussjedoor waor dr wir de jongste en auwtste 55+: de jongste waor Mariëlle (vriendin van auwt prinses Vivian) van juni 55 jaor en de auwtste Lisa Vankan (96 jaor).
Dank veur de väöle complimente die veer van uch bezeukers höbbe maoge ontvange.
Zondig 16 febrewari:
In de middig dr aandach veur os jeugtrio. Veer zin op bezeuk gewaes bie de Geulmennekes Meersje, Keenger Onderein.
Nao inkele urkes moste vr door nao os andere bure, CV de Taarbreuk Sjömmert.
Dao höbbe vr hunne prins Max I, 3 jubilarisse van ut sjteuncomité van de CV de Taarbreuk 3×11 en 1×11 en 7 dansmariekes mèt hun 1×11 gefeliciteerd.
Nao nog get gedronke en gepraot te höbbe mèt genog bekinde die dao waore, ginge vr wir trök nao Ulesjtraote.
Maondig 17 febrewari: de NUL-zitting in ut theater aan ’t Vrijhof
Op oetnwèddiging van de NUL, Narre Universiteit Limburg, mochte vr die biezondere zitting biewone.
Veer es dorpsvereiniging tussje versjillende sjtadsvereiniginge en hoogwaardigheidsbekleders oet Limburg.
Ein sjiekere bedoeling. Dit waor biezonder um bie te zeen en eine sjwanne aafsjleter van ozze 5-daagse.
Ein speciaal woord van dank aan de Plus Rv11 lede en dames die dat wiekend mètgewaes zin.
Kommend wiekend sjteit op ut programma:
18+19 febrewari Sjteunkaarte actie hoes aan hoes.
Vriedig 21 febrewari bezeuke veer de RKUVC carnevalsaovend.
Zaoterdig 22-02 höbbe veer os Auwt Wieverbal. Kom verkleid, mèt of zonder masker op of kom
en beleef gezellig mèt al os auw wiefkes en mennekes dizze biezondere aovend in de aanloup nao de carnevalsdaag.
https://www.kuutebieters.nl/seizoen-2024-2025/auw-wieverbal/
Zaoterdig en zondig 22+23 febrewari höbbe veer euverdaag os zieke- en auwere bezeuk.
Wha veer veur ut ièrs ut zorghoes Ulestaete goon bezeuke en dao same mèt die luu en luu oet Ulesjtraote ein paar urkes carneval goon viere.
Dit is op zondig 23 febrewari van 14-16u.
CV de Kuutebieters
Prins Danny II en prinses Anouk
Jeugprins Tygo II en adjudante Bram en Quinn
