Ut einde van ut jaor nadert, de tied van de jaoreuverzichte.
Zwa wille veer es vorstepaar auch trökkieke en veuroetblikke.
Trots op wie veer mèt os alle de carneval in Ulesjtraote beleve!
De ingezatte bewaeging, veur de carneval in Ulesjtraote haet good gedoon. Veer zin dan auch trots op os alle wie vr de sjouwers dr onder höbbe gezat. Trots op de CV lede en dames es ut hart van de vereiniging. Trots op de werkgroepe wie zie alle activiteite veurig seizoen en auch noe wir neerzette. Trots op os sjponsore, begunstigers en alle inwonersj die os elk seizoen wir die financiële ondersjteuning geve. Dao kinne vr neet zonder. Trots op os plus Rv11 lede mèt de dames. Die in ut nuuje seizoen nog mjèr aanwezig zulle zin. Trots op uch es carnevalsvierders die nao os evenemente blieve komme. Zonder uch is dr geine carneval in Ulesjtraote.
Veuroet kieke wille vr auch mèt os alle doon.
Veer kieke neet allein nao de kommende activiteite vanaaf 10 jannewari 2026 t/m èsgoonsdig wat allemaol in Ulesjtraote te doon zeen. Dit zin zeker de ièrste mominte wha vr os mèt os alle zulle zeen, ein präötje make, zinge, hosse en sjpringe en os eine drinke. Mhè vr kieke auch wiejer. Um dit carnevalsfjès mèt os alle elk jaor te kinne organisere, höbbe vr nog meer uch nwèddig. Vr wille nao dizze carnevalsperiode mèt uch in gesjprek komme. Um mèt os alle te bekieke wat dr nwèddig is um de carneval in Ulesjtraote en mèt name CV de Kuutebieters nog meer van dich en daodoor nog meer van os te laote weure.
Wat bedoele vr hiejmèt?
Veer höbbe uch nwèddig um te kieke welke vörm van CV de Kuutebieters nwèddig is um mjèr CV lede aan os vereiniging te kinne goon verbinge. Veer höbbe in 2024 en 2025 bès get gesjprekke mèt jongere geveurd, mhè nog zonder resultaat. Dus wille vr weite wie veer mèt kinne greuje/verandere um ut veur de nuuje generatie raod van 11 lede zwa te kriege dat dae groep grwatter en meugelik jonger weurt. En daomèt de carneval in Ulesjtraote te behouwe, auch veur de generaties die nog dr aankomme.
Bie dizze bès ste al vrieblievend oetgenwèddigd um mèt os in gesjprek te komme. Auch zulle veer nao carneval 2026 via social media ein algemeine oetnwèddiging sjture um mèt os alle te verbinge en in gesjprek te goon. Mhè sjpreek gerös noe al ins mèt os of de plus Rv11 lede.
Veur noe wunsje vr eederein ein gooj jaorwisseling, ein gooj gezondheid en veural ein gezellig en hjèl leuk carnevalsseizoen.
Vors Danny en vorstin Miranda
CV de Kuutebieters
