De nuujjaorsborrels zin achter de rögk. Tied veur ut sjwanste seizoen van ut jaor, carneval.
En dat begos geliek de 2de daag van ut nuut jaor. Traditiegetrouw ginge v’r nao de galazitting van CV de Böschule in Sub. Dao waore vr same mèt de luu van Iezere en Sub en 8 andere gastvereiniginge. Saskia Theunisz en Big Benny höbbe de zaal good op de kop gezat. Maar de klapper van de aovend waor toch waal ut optreje van de auwt prinse van de Böschule. Verkleid es pirate kaome ze ut podium op en zatte ein geweldig optreje neer. Ze naome de zjus aafgetroje prins op en begeleidde de nuuje nao ut podium. Veer höbbe mèt os Plus Rv11 en prinsepaar Danny II en Anouk wir ontzettend genote en gelache. Op nao os eige activiteite.
Veer trappe komend wiekend aaf mèt os zittinge wiekend.
Zaoterdig 10 jannewari 2026 os Grwatte zitting wha veer aafsjied numme van os prachtig prinsepaar Danny II en Anouk.
Mèt optrejes van diverse artieste. En natuurlijk zulle vr later op de aovend de 62ste prins van de Kuutebieters oetrope. Nao de installatie goon vr geliek door mèt ut ièrste fjèske van de prins of prinsepaar. Dat doon vr same mèt de Nachtvlinders.
Deis dich dae aovend mèt os mèt?
Plaats: Gemeinsjpashoes d’n Huppel
Zaal ope: 19:30
Aanvang: 20:11
Zondig 11 jannewari 2026 is os Kingerzitting. Ein talentshow veur kinger van ut dörp. Dit jaor höbbe vr maar leefs 9 acts en inkele denskes van danseresse van Moving Motions Manouk. Jeugprins Tygo II mèt zien adjudante Bram en Quinn zulle dae middig plaats make veur de nuuje jeugprins of jeugprinses. Altied eine geweldige middig, dae ste neet maogs misse.
Locatie: Gemeinsjpashoes d’n Huppel
Zaal ope: 13:30
Aanvang: 14:00
Es geer de nuuj heersers van CV de Kuutebieters wilt felicitere zet dan zaoterdig 17 jannewari 2026 in uche agenda.
Locatie: Café-zaal de Notenbalk
Zaal ope: 19:00
Aanvang: 20:00
Houd os website, berichte in de Geulbode, Facebook en Insta in de gate, dan mis gr niks van de carneval in Ulesjtraote.
