Eupening carnevalsseizoen CV de Kuutebieters.
De 11 van de 11 höb vr, same mèt de fanfaar gewerk achter ut buffet in Remunj. Gezelligheid ten top.
Vriedig 14 november 2025 zeen vr mèt de CV, de dames, ut Prinsepaar en ut jeugdtrio op basissjwal de Triangel gewaes veur de vastelaoveslès aan groep 7.
Auwtprins Frank is eine middag in ut jaor ff meister Frank. Ein lès vol mèt geschiedenis van carneval in ut algemein,
mhèr zeker auch de carneval in Ulesjtraote. De sjlager, ut Kuutebietersleed, sjoenkele, polonaise ut kump allemaol veurbie.
Dae middag maoge de kinger auch de scepter van de grwatte en kleine prins vashouwte. Nao de lès kriege de kinger hoeswerk mèt.
Degene dae dat ut bèste maak, krieg de Kuutebietersorde oetgereik door de nuuje Prins.
Zaoterdig 15 november 2025 höbbe vr ut nuuj carnevalsseizoen officieel aafgetrap. In eine bomvolle Notenbalk wèrmde de Kuutekapel de aanwezige luu op.
Nao ut tooste op ut nuuje seizoen mèt eine Schrobbelèr of appelsap, ut herdinke van alle luuj die os ontvalle zeen en ut zinge van ut Kuutebietersleed waor ut tied veur ut ULK.
Ut ULK leed werd ingezat en CV de Struukedukers haet hunne sjlager van 2025 nog eine kjèr gezonge.
Daonao koste vr beginne mèt de nuuje leedjes. Max en Remco, CV de Struukedukers, Lou-na, Duo eigewies, De dölle 3,
CV d’n Import en CV de Batsebieters houwe dr hjèl väöl zin in en sjtinge te popele um die bühne op te kinne.
En wat ein energie leverde dat op, fantastisch um te zeen. Ut niveau laog whag, dat maakte ut veur de jury neet mekkelijk.
Nao ut lètste leedje waor ut veur ut publiek auch tied um te sjtumme. Dit jaor neet digitaal. Eederein kos ein sjtum oetbringe, door eine coin in te levere.
Nao ut telle van de coins en de sjtumme van de jury waor ut eindelik tied um de winnaar van ut ULK bekind te make.
De sjpanning sjteeg, zeker wie vr aangekomme waore bie nummer 1, 2 en 3. Mhè zwa wie bie eedere wedstrijd kint dr mhèr eine de échte winnaar zeen.
Dit jaor geit die winst nao Max en Remco mèt “Es ich mot goon”.
Op de 2e plaats is geëindig Lou-na mèt “Nummer Ein” en op de 3e plaats De dölle 3 mèt “Hie wjers ste d’r bie.”
Max en Remco ginge dr vandoor mèt de wisselbeker en de cheque.
Natuurlik höbbe Max en Remco hunne sjlager nog unne kjèr gezonge. De zaal ging los en de polonaise woort ingezat.
De res van de aovend haet DJ Funk A Rico dr nog ein fjès van gemaak.
Kortum vr kieke trök op eine zeer gesjlaagde aovend. Dank aan HEBO Sound Studio oet Ulesjtraote veur de proffesionele opnames, de deilnummersj,
de vakjury, de presentatore, ut publiek, de Kuutekapel en eederein dae op wat veur meneer dan auch biegedrage haet aan dit ULK.
Auch dit doon vr mèt os alle!
Wat doon vr es os kuute blieve sjtoon? Dan is ut mèt de sjpas nog neet gedoon en blieve vr plekke tot de lampe weer aangoon…
Max en Remco proficiat!
Dink ste noe dat is miene grwatte druim… Gaef dich volgende jaor op. Wae wèt zèts dich de zaal dan op de kop.
Allemaol bedank veur uch deilname en aanwezigheid. Zeen vr uch 10 jannewari 2026 bie os Grwatte zitting in d’n Huppel?
