Veer sjtèlle jeugprinses Dewi I en
adjudant Kaely aan uch veur:

Dewi Hanssen

Dewi is de dochter van Lars en Nicole Hanssen. Carneval is get wat häör mèt de paplepel is ingegote. Dewi haet altied same mèt de mam de optochte mèt geloupe. Häöre hond leep auch gereigeld mèt in de kingeroptocht. Qua carnevalsmeziek vingk ze hjièl väöl leuk, mhè de meziek van Danny Pouwels sjteit bie häör op nummer 1. Dewi is een bezig bijtje, ze haet väöl versjillende hobby’s wha onger; game, bakke en zinge. Ze is lid van een tennisvereniging BRZ in Beak, zit bie scouting Don Bosco en trommelt erop los bie de trommelTOPPERS van Jong Concordia. Es Dewi nog urges een geetje vrie haet knuffelt ze gaere mèt häör hoesdiere Sunny en Sky. Same mèt häör adjudantje Kaely geit ze dizze carneval de tent euveral op de kop zètte.

Kaely Aussems

Kaely is ein gooj vriendin van Dewi. Ut waor dan auch gein lèstige keus van Dewi um häör es adjudantje te vraoge. Kaely is de dochter van Marco en Jessica Aussems. Kaely haet ut carnevalsblood van de pap mètgekrege. Ein van de favoriete carnevalsartieste van Kaely is John Tana, mhè eigelik vingk ut alle carnevalsmeziek eve leuk. Kaely is lid van scouting Don Bosco. Kaely haet auch nog un andere hobby die ze gaere same mèt häöre pap deit. Ze hilt van vussje, ze haet zelfs als ins un vusj gevange dea grwatter is es Kaely zelf. Kaely is auch dol op häör hoesdere Gizmo en Spyke. Same mèt jeugprinses Dewi I zèt zie euveral mèt de tent op de kop!

Dit jaor goon zie door ut leve es:

Jeugprinses Dewi I
Adjudant Kaely