Sjlager 2010: Veer hauwe PIN!

Tekst en meziek: de Sjpasmeekersj

Couplet 1
Eeder jaor ut zelfde leed, goon veer waal of goon veer neet,
Eederein dhe vraog zich dat weer aaf!
Pekske aan en masker op, deeze daag die weure top,
Euveral dao wjèr ste weer alaaf!
Es ut dan al ’s aoves is, höbbe veer nog niks gemis,
Eederein dhe haet ut nao de zin!
Kiek dao geit ut leech al oet, MOTTE VEER WEER NAO DE BOET?
Ich dach ut neet, veer hauwe nog get pin!

Refrein
Veer hauwe pin, al is ut fjes gedoon……….
Gwajen os drin, veer wille nog neet goon…….
Veer hauwe pin, veer goon nog lang neet aaf…….
Veer goon hie door, koome neet sjtop, roope de ganse nach: ALAAF
Veer hauwe pin, veer goon nog eve door…….
Gwajen os drin, jao tot ut letste oor…….
Veer hauwe pin, hie krieg os geine weg…….
en murgevreug dan kinne veer hie weer terech!

Couplet 2
Sjmörges es de wekker geit, sjtoon veer met de boel gereit,
Klaor um weer tot ’s aoves door te goon!
Grwatte optoch, sjpek en ei, Hugo, Nicoline of Lei,
Euveral dao zuus ste os weer sjtoon!
Nog eine kjèr d’r tegenaan, dees daag nog neet van de baan,
Wachte op ut sjieke sjlotakkoord!
Kieke nao die grwatte kuut, tot um geine minsch mjé zuut,
Ut prinsepaar dat haet ut letste woord!

Refrein (2x)