Carneval in Ulesjtraote is get wha vr allemaol trots op zin. Achter de organisatie hiejvan sjtoon veer es CV de Kuutebieters.
De vereiniging die dr veur zörg dat dae carneval eder jaor meugelik weurt gemaak.
Dit is ut algemein besjtuur, de werkgroep lede en de huidige raod van elf (vaste Rv11 en plus Rv11 lede mèt dames).
De raod van elf is en blief ut kloppend hart van os vereiniging. Zie bringe de carneval in os dörp,
zörge veur de carnavalsactiviteite en zin ut gezich van CV de Kuutebieters.
Vr mèrke dat ut sjteeds lèstiger weurt um nuuj vriewilliger en lede veur de raod van elf te vinge.
Toch is dit hjèl belangriek in ut veurt blieve besjtoon es vereiniging en daomèt aan ut behoud van dizze traditionele en culturele carneval in Ulesjtraote.
Mèt nuuj luu kin de vereiniging wiejer greuje en bleuje en kin vr dr mèt os alle veur zörge dat dea carneval in Ulesjtraote blief veurtgoon.
Darum wille vr naodinke euver wie vr nuuj luu kinne betrekke es vas raod van elf lid en klaor te zeen veur de toekoms.
Dich kins daoeuver mètdinke! Veer nwèddige dich oet um mèt te dinke bie ozze Ope-Kuute-Borrel-Aovend op vriedig 12 juni 2026 in de kantine van RKUVC.
Kom langs op dizze aovond este:
• Kinnis wils make mèt CV de Kuutebieters
• Mèt wils dinke euver de toekomstige vörm van de vaste raod van elf
• Dien ideeë en/of feedback mèt os wils deile
• Ein positieve biedrage wils levere aan de carneval in Ulesjtraote
De toekoms van de raod van elf en daomèt de carneval in Ulesjtrate make vr mèt os alle en daarum is ederein welkom om mét te dinke en te praote. De aovond is vrieblievend en zitte gein verplichtinge en/of verwachtinge aan.
Wils ste mètdinke of wils ste allein komme loestere. Kom dan vriedig 12 juni nao de kantine van RKUVC. Veer sjtarte um 20:00 inloup vanaaf 19:30 en veer zörge veur get lekkers!
