Ich bin Janou Molling gebore en getoge in Ulesjtraote. Zoon van auwt prins Hugo en -prinses Monique. Esse op donderdig veur carneval gebore weurs dan is ut carnevalsblood dich waal mètgegeve. Carneval viere zaot dr al vanaaf jongs af aan in, zwa höb ich wie ich sjus ein jaor waor miene ièrste optocht in Ulesjtraote geloupe, of jao in de kingerwage dan! Noe 26 jaor later höb ich dr nog geine gemist. De ièrste jaore höb ich mèt de groep van pap en mam mètgeloupe, genaamd VVOP (Verrekdes Väöl Oud Prinse). Nao dat ich same mèt mien vrung Remy, Wesley en Liam in 2010 mèt Prins Davy en Prinses Ilona de carneval van eine andere kant heij mètgemaak zeen veer zelf mèt gegange in de optocht en heije vr in 2014 same CV de Struukedukers op gericht!
Ut vereinigingsleve is mich auch mèt de paplepel ingegote, zwa bin ich zelf al sinds mien 4e levesjaor lid van RKUVC. Wha ich nao mien actieve voetbalcarrière auch meerdere rolle vervul. Es zoon van de veurzitter van RKUVC en es kleinzoon van oud-veurzitter van de Koninklijke Fanfare Concordia & U65 höb ich ongevraog al veul ervaringe wie het vereinigingsleve en het besjtuursleve in ein zit.
In mien dagelijks leve bin ich Eventmanager bie The PEPr Company en organisere veer mjèrdere grwatte nationale & internationale evenemente.
Wie vors Danny mich benaderde um toe te treije tot ut besjtuur waor dit uiteraard auch gein lestige keuze. Ich kiek dr es besjtuurslid nao oet ein biedrage te levere aan dea sjwanne carneval in Ulesjtraote, omdat dit behouwe mot blieve veur ederein! En wil ich Danny, Miranda, Luc en Andre al bedanke veur hun vertrouwe in mich!
Veer goon dr mèt os alle get sjwans van make!
Ulesjtraote Alaaf! Kuutebieters Alaaf!
Janou
