Vriedig 12 juni 2026 hadde veer veur uch eine Ope-Kuute-Borrel georganiseerd en uch oetgenwèddig um mèt os te praote en ideeë aan te drage wie in dizze tied de vörm van eine vaste raod van elf zouw kinne weure um aanwas te kriege um mèt os alle de toekoms in te goon. Mèt ein gering aantal belangsjtèllende trapte vors Danny aaf.
Veer heije ein informatief en interactief programma samengesjtèld. Wha vr 2 gassjprekers bereid heije gevonge um vanoet hun rol eine kiek te geve op gezond en levendig vereinigingsleve in ein dörp. Björn Hendriks es raodslid van gemeinte Meersje gaof ein beeld wie heer es raodslid dr nao kiek, wie de politiek ut belang zuut en wie heer es echte Ulesjtraotse jong zelf ut vereinigingleve belaef. Versjillende inzichte en soms auch nuuje informatie.
Daonao heije vr de veurzitter van de grwatste vereiniging van Ulesjtraote, RKUVC, Hugo Molling. Helaas kos heer neet live, mhè brach heer zien verhaol via ein filmpke. Heer zoch de parallelle tössje de voetbalclub en de Kuutebieters. Zonder gein vaste raod van elf is utzelfde es op zondig gein 1ste team op ut veld. Dan is dr niks te voetballe en mèt de carneval niks te fjèste.
De 2 raodslede die dr ut lètste biegekomme zin, höbbe verteld wharum zie es eind 20-tigers de sjtap gezat höbbe um bie de raod van elf te komme. Vanoet dees informatie ontsjting al ein feine interactie mèt de belangsjtèllende en ginge vr wiejer mèt de feedback-ideeë ronde. Wha ederein via ziene mobiel kos sjrieve wat of wie veer veranderinge zouwe kinne doorveure um ut toetreeje en ut deilnumme aan de raod van elf meer van dizze tied te kriege. Wat de kans zou kinne beeje dat dr lede goon bie-komme. Ondanks ut geringe aantal deilnummers kaome flink get suggesties op ut sjerm en dit leverde constructieve gesjprekke op.
Al mèt al dinke vr dat vr eine feine Ope-Kuute-Borrel höbbe gehad. Vr zin tevraeje mèt wat vr höbbe opgehaold. Dao goon vr mèt aan de sjlaag. Vr zulle ein advies goon oetwerke um vanoet ut algemein besjtuur en de huidige raod van elf draagvlak te kriege um ut vervolges intern door te veure.
Veer houwe uch hiejvan op de hwègte. Moch gr vraoge höbbe of interesse in de raod van elf. Num dan gerös contac op mèt Luc of Danny.
